Министерството за здравство информира, согласно податоците од Институтот за јавно здравје дека во последните 24 часа:

Направени се 2.674 тестирања, а регистрирани се 410 нови случаи на КОВИД-19, со стапка на позитивност од 15 проценти.

Во текот на изминатите 24 часа регистрирани се 10 починати лица на возраст од 50 до 94 години, како и уште едно лице со дијагноза Ковид-19 од Мој Термин со датум на смрт 27-ми Ноември.

Во моментов , бројот на активни случаи во Македонија изнесува 8 110.