Минималните трошоци на едно четиричлено семејство во јуни се зголемени за 790 денари во споредба со мај, покажуваат податоците што ги изработува Сојузот на синдикати на Македонија.

Според овие податоци, вредноста на синдикалната минимална кошница во јуни изнесувала 64.698 денари, а со изнајмен стан од 60 метри квадрати 80.073 денари.

Зголемување од 733 денари има и кај храната и пијалaците во однос на мај. Пресметките на ССМ покажуваат дека за храна и пијалaци во јуни на едно семејство му биле потребни 23.167 денари.

 Имајќи ги во превид горенаведените податоци евидентно е дека откако завршија активните владини мерки, вредноста на синдикалната минимална кошница за два месеци е зголемена за 2.007 денари, додека кај храната и пијалaците за два месеци има зголемување за 1.678 денари – велат од ССМ.