Мухамед Асани, гинекологот кој на Јалдз Веапоска ѝ го изведе царскиот рез по кој родилката остана без матка, јајник и бубрег, денеска е осуден на три години затвор и пет години забрана за вршење дејност и одземање на лиценцата од Лекарска комора, објави Слободен Печат. Неговиот син Блертон Асани и гинекологот Лилјана Јовановска, се ослободени од обвинението.

Во изјава за Слободен Печат, оштетената Веапоска изјави дека ќе се жали на пресудата бидејќи не е задоволна. Осудениот Асани при породување со царски рез, на бремената Веапоска и извадил повеќе внатрешни органи со оценка дека било неопходно поради компликации.

Во 2020-тата година, младата Веапоска остана без бубрег, јајници и матка кои според вештачењето користено во судскиот процес биле здрави. Таа покрена случај кој обвинителството го прифати и поднесе обвинение.

Осудениот лекар има право на жалба на тригодишната затворска казна и на останатиот дел од пресудата која е донесена денеска во струшкиот суд.