Државниот завод за статистика објави дека  бројот на туристите во мај 2025 година изнесувал 130 739, од кои 22.4 % се домашни, а 77.6 % странски туристи.

Во мај се евидентирани 231 313 ноќевања, од кои 28.8 % се од домашните туристи, а 71.2 % од странските.

Во периодот јануари – мај 2025 година, во однос на истиот период од претходната година, вкупниот број на туристите е зголемен за 16.3 %. Кај домашните туристи има намалување за 1.0 %, а кај странските зголемување за 23.6 %.

Вкупниот број на ноќевањата, пак, е зголемен за 12.0 %. Кај домашните туристи има намалување за 0.3 %, а кај странските зголемување за 18.7 %.