Граѓаните сериозно да ја сватат потребата од вакцинација и никој да не дозволи да биде поколебан во стрежемот за спасување на својот и на животите на останатите граѓани. Ова го кажа министерот за здравство Беким Сали, по денешната средба со поглаварите на МПЦ, исламската и еврејската  верска заедница и на Католичката црква, испраќајки заеднички апел за имунизација на населението и верниците.

Во време на пандемија, кога речиси секој од нас е погоден од вирусот. Кога дел од нас изгубивме и многу наши драги, најблиски, посакувам на овој заеднички начин да упатиме апел до секој граѓанин да ја свати сериозно потребата за вакцинација. Да одговори на нашиот повик за вакцинација и да не дозволат никој да ги поколеба, во стремежот за спасување на својот и на животот на луѓето околу нас од оваа чума, која веќе 2 години го менува начинот на нешeто живеење, рече министерот Сали.

Апели  до верниците за вакцинација и почитување на препораките за заштита од Ковид- 19, упатија и поглаварот на МПЦ и на исламската верска заедница. Тие кажаа дека и до сега преку соопштенија, посланија за верски празници и при петочните молитви во џамиите, повикувале на придржување до заштитните мерки.

ИВЗ од првите моменти донесе неколку одлуки , во рамките на одлуките на СЗО, во рамките на Министерството за здравство и во рамките на правилата на исламските регулативи.Така што од почетокот се реализирани сите можни организации во џамиите, рече поглаварот на ИВЗ Реис-Ул Улема Шаќир Фетаху.

Верници, членови на нашите цркви и верски заедници, да се придржуваат на мерките што институциите , задолжени за грижата за здравјето ги упатуваат веќе втора година. Зашто и овој пат ќе речам , подобро е нешто да го спречиме,отколку потоа да го лечиме, поглаварот на МПЦ г.г Стефан.

Иако беа запрашани од медиумите , поглаварите не кажаа конкретни бројки на имунизирани верници, а министерот за здравство демантира дека за две години нема протокол за лекување на болните од Ковид-19. Според Сали, протоколот што се применува, е изготвен од професори од Клиниката за инфективни болести.

Сотир Трајков