Собранискиот спикер Талат Џафери не го прифати предлогот на ВМРО-ДПМНЕ, денешниот дневен ред да биде дополнет со  измените на законот за влада со кои се предлага бришење на одредбите кои предвидуваат 100 дена пред одржувањето на парламентарните избори да се избере нова, преодна Влада. Координаторот на пратеничката група Никола Мицевски побара да се  почитува договорот од последната лидерска средба меѓу Заев и Мицкоски кои се согласија да се укине техничката влада.

Законот во моментов се преведува и кога ќе биде готов ќе се дистрибуира до пратениците. Претседателот на Собранието Талат Џафери очекува консензус од сите партии.

За укинување на техничката Влада се залагаат и од владејачкото мнозинство но сметаат дека за ова прашање се потребни потписи од четирите политички партии па потоа заедно да го достават предлогот до Собранието.Техничката влада беше воведена во 2016 година и произлезе од Пржинскиот договор поради нефункционирањето на институциите и политичката криза во државата.

Јулијана Пешевска