Неколку стотини приврзаници на Алијанса за Албанците и Алтернатива вечерва маршираа низ Скопје против изборните нерегуларности. Тргнаа од паркот во Чаир, поминаа покрај владата и затанаа пред седиштето на Европската унија, од каде упатија порака дека држава што претендира да стане членка на ЕУ, не треба да има вакви избори.

Претседателот на Алијанса пред присутните рече дека, е важна слободната волја на граѓаните, изразена преку гласање.

Во декларацијата што ќе биде доставена до европските институции, се бара од Европската унија да се ​​осуди злоупотребата на правото на глас и да не се признае легитимноста на ДУИ како претставник на Албанците во Македонија.Со помош на ЕУ, да почне процес на радикална реформа на Изборниот законик, така што идните избори да станат пример дека нашата земја ги исполнува европските стандарди за фер и демократски избори.

Овие партии денеска го отфрлија предлогот на Али Ахмети, или „албанската платформа“ за преговори со партиите на Албанците. Доставена преку пет столба, на иста начин е и одбиена, со потенцирање дека ДУИ е разединувачки, а не обединувачки фактор, дека се фаќа за рака со Лубе Бошковски за да добие глас повеќе, дека крадат гласови и ги лажат Албанците.

Далиборка Демјанска Цветановска