Норвешка денеска уште еднаш донираше, овојпат 100 подвижни респиратори вредни 600-тини илјади евра. Респираторите ќе се користат не само во ковид центрите туку во сите здравствени гранки.

На презентацијата беше и военото аташе потполковник Егил Далтвеит кој заедно со министерката за одбрана ја потенцираа и соработката на армиските медицински тимови во Авганистан.

Минатата недела во Собранието опозицискиот пратеник Бојан Стојаноски тврдеше дека македонски воен хирург бил прогласен од норвешките медицинари за нестручен, по што дезинформациите на пратеникот реагираше аташето Далтвеит.

Денеска Далтвеит и Шекеринска имале видео средба со заедничкиот армиско-норвешки медицински тим пред да се официјализира донацијата на респиратори.