Портпаролот на ВМРО-ДПМНЕ Наум Стоилковски во изјава за Телма рече дека кандидатите на партијата победиле во општините Петровец, Могила и Јегуновце.

Стоилковски се повика на резултати собрани од партиски набљудувачи.

За проблемите со фингерпринт апаратите рече дека подобро што ги имало бидејќи на тој начин се спречило полнење на кутии.

Новинарката на Телма, Емилија Мисирлиевски од Пелагонискиот регион јавува дека според партиски избори, кандидатот за градоначалник на Новаци од ВМРО-ДПМНЕ објавил дека победил во првиот круг.