Францускиот претседател, Емануел Макрон, по вчерашната средба со американскиот претседател Доналд Трамп изјави дека во наредните недели може да се постигне договор за прекин на огнот меѓу Украина и Русија.

Во интервју за „Фокс њуз“ тој рече дека многу европски лидери се подготвени да дадат безбедносни гаранции. Макрон исто така нагласи дека мирот мора да го обезбеди суверенитетот на Украина, а тоа да не биде капитулација.

Трамп ја повтори поддршката за Украина, но истакна дека Европските нации треба да преземат поголема одговорност во обезбедување мир во земјата.