Сообраќајна незгода е пријавена денеска (25.01.2026) околу 11:30 часот во скопското село Долно Коњари, кога патничко возило управувано од малолетник удрило во паркирано возило и во пешак.

Во незгодата тешко е повреден пешакот И.Ф., кој е пренесен во Ургентниот центар „Мајка Тереза“, каде лекарите констатирале тешки телесни повреди и животно загрозувачка состојба.

За случајот е известен дежурен јавен обвинител за малолетници, а надлежните служби преземаат мерки за целосно расчистување на околностите под кои се случила незгодата.