На северот на Мексико, властите откриле 32 килограми фентанил, скриени во кутии со исечени парчиња кактус, познато мексиканско јадење наречено нопали. Полицијата запленила околу 275.000 таблети на оваа смртоносна дрога во граничната држава Соноро, на пат кон Аризона.

Во акцијата бил уапсен 29-годишен маж. Оваа дрога, со вредност од околу 6,5 милиони долари, била пронајдена во форма на таблети и прашок.

Заплената е дел од најновиот обид на картелите да пронајдат нови начини за шверцување на дрога, кои вклучуваат скривање во необични пакувања, како што се екстензии за коса, авокадо, па дури и подморници.

Оваа заплена доаѓа во период на зголемени тензии меѓу Мексико и САД, кога Мексико се обидува да ги задоволи барањата на претседателот Доналд Трамп за намалување на протокот на фентанил и мигранти кон САД.