Петтемина министри од редовите на ДУИ денеска и формално ќе ги поднесат условените оставки во премиерот Димитар Ковачевски и истите би се активирале веднаш штом бидат усвоени уставните измени.

Вицепремиерот Груби најави и дека тие како партија се подготвени да се откажат и од договорениор премиер Албанец 100 дена пред избори доколку опозицијата даде поддршка како што велат на патот кон ЕУ.

Поддршка на своите партиски колеги вчера изрази и претседателот на Собранието Талат Џафери кој во интервју за МИА рече дека е подготвен да ги следи чекорите на своите сопартијци и би се повлекол и тој од функцијата.

Од СДСМ велат дека сега на потег е лидерот на опозицијата, Христијан Мицкоски да докаже дали е за продолжување на евроинтегративниот пат Македонија.

Мицкоски пак на став оставките на ДУИ не треба да се гледаат сериозно, повтори дека уставни измени нема да има, како и дека единствено решение во оваа ситуација се предвремени парламентарни избори.

– Постапките немаат суштина и тие велат оставките ќе важеле кога опозицијата ќе гласала за уставните измени. Оставките тогаш ќе биле ефективни. Формално такво нешто не постои, вели лидерот на ВМРО – ДПМНЕ.

Мицкоски потсетува дека до Димитар Ковачевски имал две понуди, важење на уставните измени кога Македонија ќе стане земја членка на ЕУ и распуштање на Парламентот, барање на гаранции.