Меѓународниот суд на правдата (МСП) не го уважи барањето на Јужна Африка да му наложи на Израел да ја прекине својата операција во Појасот Газа. Процесот беше покренат од Јужна Африка, која пред судот посочи дека во постапките на Израел во Газа има индиции за вршење геноцид врз Палестинците.

Иако судот не му наложи на Израел да прекине со воените дејствија во Газа, сепак му препорача да направи сѐ што може за да го намали бројот на цивилни жртви во појасот. Ова не е конечна пресуда на највисокиот суд на Обединетите нации, затоа што за евентуална пресуда за геноцид врз Палестинците ќе бидат потребни години.