Од затвроска ќелија на обвинителна клупа седнаа 13 осомничени за сексуална злоупотреба на малолетничка и изготвување на порнографски материјал. Денеска се одржа првото рочиште, а според информации на Телма еден од обвинетите признал вина. Судницата беше отворена и за новинарите, но присуствуваа само до читање на обвинението. Обвинителот побара исклучување на јавноста  поради изнесување на експлицитни докази и приватни снимки. Поради сензитивноста на истрагата изјава не дадоа ниту адвокатите. Пред почетокот на судењето пред кривичниот суд дојдоа роднини и пријатели на притворените.

Јавен обвинител од обвинителство за гонење на организиран криминал и корупција јануари годинава отвори истрага за овој предмет поврзан со  сексуално злоупотребување малолетничка и изготвувале порнографски материјал. Кога се отвори истрагата обвинителството објави дека 25 годишен велешанец излегол со малолетничката, ја снимал и потоа цела година и се заканувал да доаѓа и на други средби, во спротивно ќе ги објавел материјалите со интимна содржина. Тројца се обвинети за трговија со дете, дел од нив за силување а еден за детска порнографија.

За кривичните дела трговија со дете и полова злоупотреба на немоќно лице предвидени се затворски казни од најмалку осум години, додека за производство и дистрибуција на детска порнографија затворска казна од 3 до 5 години.

Симона Петровска