Пропалестински активисти се собраа на плажа во Барселона и прикажаа џиновски портрет на 5-годишно девојче кое беше убиено во војната во Газа.

Филмот за убиството и смртта на Хинд Раџаб е номиниран за овогодинешните Оскари. Портретот на Хинд, висок 55 метри и со површина од 1.000 квадратни метри, беше прикажан на плажа во Барселона, Шпанија.

Овој чин ја одбележа втората годишнина од убиството на Хинд, за кое се обвинети војници од израелската армија.

Активистката Патриша Лопез изјави дека настанот има за цел да испрати порака за поддршка од едниот до другиот крај на Медитеранот.