Илјадници демонстранти маршираа низ Париз и на други градови во Франција, во обид да извршат притисок врз претседателот Емануел Макрон, а воедно да го направат првиот ден на функцијата на новиот премиер Себастијан Лекорну огнено крштевање.

Плоштадот на Републиката попладнето беше традиционалното место во Париз каде што многу демонстранти се собраа.

• „Се обидуваме да постигнеме, мислам, голема промена во политиката на владата. Мислам дека веројатно на повеќето луѓе им е малку здосадени од ултралиберализмот што го спроведува владата на Макрон, па затоа би сакале да го промениме ова и мислам дека тоа е за да се изврши притисок врз владата“, изјави за АП Пјер Фрењјо, демонстрант во Париз.

За синдикалистката Лаура Варле, штедењето е она што ги носи луѓето на улиците. „Тоа е прашањето на несигурноста. Има луѓе кои не можат да сврзат крај со крај. Значи, прашањето на платите, на несигурноста, е централно прашање“, рече таа.

Демонстрантите блокираа патишта, предизвикаа пожари и беа пречекани со солзавец од полицијата во некои делови од Париз, Марсеј и пошироко.

Француското министерство за внатрешни работи објави најмалку 295 апсења во првите часови од националните демонстрации против Макрон.