Најмалку седум лица се повредени во напад со украинско беспилотно летало врз рускиот регион Тамбов во текот на ноќта, тврдат локалните власти.

Од видеоматеријалите кои се споделуваат на интернет се гледаат искршени прозорци и оштетени балкони во две петкатници во градот Котовск.

Вршителот на должноста гувернер на регионот Тамбов, Евгениј Первишов на својот канал Телеграм информира дека нападот предизвикал поголема материјална штета.

Паралелно руските сили бележат голем напредок на линијата на источниот фронт.

И Киев и Москва ги засилуваат борбите додека војната влегува во клучна фаза пред повторното враќање на функцијата на новоизбраниот претседател на САД, Доналд Трамп кој вети дека брзо ќе ја заврши војната.

Војната во Украина се ближи кон заокружување на третата година, а според случувањата на теренот ништо не навестува дека наскоро би можело да дојде до крај и договор за прекин на насилствата.