Нацртот за нов Устав на Република Српска треба да влезе во итна постапка во Народното собрание, откако 50 пратеници го усвоија предлогот, додека седуммина биле против, а двајца воздржани.

Премиерот на Република Српска, Радован Вишковиќ истакна дека новиот Устав ќе биде во согласност со Дејтонскиот мировен договор и дека институциите на Република Српска се подготвени да разговараат со претставници на бошњачкиот и на хрватскиот народ за заштита на нивните права и слободи.

Вишковиќ нагласи дека ќе се утврди што претставува витален интерес и дека веќе нема простор за злоупотреба, како што се случувало во минатото.