Нема парно во повеќе скопски населби. Попладнево во „Телма“ се јавија неколку граѓани од, речиси, сите скопски населби со поплака дека нивните радијатори се ладни и дека воопшто немаат парно греење.

Од „Макпетрол“ за „Телма“ изјавија дека тие непречено испорачуваат гас, додека од ЕСМ добивме информација дека не станува збор за дефект, туку за проверки и дека во наредните неколку часа системот ќе биде во полн капацитет.