Полициски службеници во Дебар го лишиле од слобода А.Л. (29) кој возел во алкохолизирана состојба, предизвикал сообраќајка и нападнал полицајци. Притоа утврдиле дека А.Л. немал положено возачки испит, а по извршено алкотестирање кај него констатирале 2,75 промили алкохол во крвта и го исклучиле од сообраќај.

„На улицата „Амди Леши“ во Дебар, управувајќи моторно возило „фолксваген поло“ со дебарски регистарски ознаки, А.Л. предизвикал сообраќајна незгода со оштетување на друг патнички автомобил и избегал, а потоа, физички ги нападнал полициските службеници кои, по преземени мерки, го сопреле возилото“, информира портпаролот на СВР Охрид, Стефан Димоски.

По наредба на јавен обвинител возилото е одземено и по целосно документирање на настанот против А.Л. ќе бидат поднесени соодветни пријави.