Беким Незири, кој ги отвори вратите на радарската кула и кој им дозволи на насилниците да влезат во зградата на М-НАВ се уште е во полициска станица. Тој е еден од осуммината кои вчера упаднаа во М-НАВ. Само Незири бил вработен во македонската навигација.

Координаторот на партискиот огранок на ДУИ во Чаир, со својата картичка пропуштил луѓе кои не биле вработени во контролата, а кои физички нападнале дел од вработените.

Откако со часови беше недостапен за полицијата, Незири утрово беше приведен во полициска станица. Се очекува Незири да биде изведен пред судија на претходна постапка за случајот.