Шефот на Обвинителство за гонење на организиран криминал и корупција Ислам Абази денеска се сретнал со албанскиот амбасадор во земјава, Фатос Река, соопштија од ОЈО ГОКК. Река му честитал на Абази за изборот и разговарале за продлабочување на соработката во областа на борба против тероризмот, корупцијата, економскиот и компјутерскиот криминал, како и меѓународниот организиран криминал.

Амбасадорот Река исто така изразил задоволство за досегашната соработка помеѓу органите на прогонот и се заблагодари за несебичната размена на доказите што беа од исклучително значење за албанското обвинителство во предметот „Икона“.

Абази на амбасадорот му ги презентираше условите за работа и предизвиците со кои се соочува Основното јавно обвинителство за гонење на организиран криминал и корупција и ја истакна потребата за понатамошно унапредување на институционалната соработка меѓу двете земји.