Вишиот скопски обвинител Мустафа Хајрулахи останува суспендиран и нема да оди на работа додека не заврши кривичната постапка против него. Советот на јавни обивнители ја потврди одлуката на државниот обвинител Коцевски за оддалечување од функцијата поради истрагата што се води проти него за малтретирање вработени и злоупотреба на службената положба. Дискусијата советот на јавни обвинитлеи ја водеше зад затворнеи врати за заштита на интегритетот на Хајрулахи но гласањето беше јавно. Седум од осумте членови беа против жалбата на Хјарулахи.

Единствено членката Кети Петкова гласаше да се тргне суспензијата и својот став го кажа јавно по гласањето. Петкова која е избрана од Собранието застана на страна на Хајрулахи и на линија на аргументите кои тој ги истакнуваше во јавноста периодов околу тајмингот на случувањата.  Таа го обвини Коцевски дека го крши законот за јавни обвинители и дека користејки ја хиерархиска моќ задира во самостојноста на јавните обвинители.

• „До сега имало многу суспендирани обвинители кои потоа биле и разрешени, но прв пат се отвора на мала врата, преку кривична пријава подесена од група оштетени, да дојде до суспензија на еден јавен обвинител. Тоа значи дека ние ќе му дадеме право на државиот обвинител да ги суспендира сите први луѓе на обвинителствата доколку нему не му се допаѓаа. Ќе најде четворица вработени кои ќе поднесат кривична пријава и така секој обвинител  ќе може да го суспендираме“ изјави Кети Петкова, член на совет на ЈО.

Пред да стане член на советот Петкова била адвокат во предметот Поштенска Банка еден од предметите кои се под лупа на републичкото обвинителство затоа што вишото обивнителство ја повлекло жалбата. Таа во телефонски разговор за ТВ Телма потврди дека била бранител во случајот но вели тоа не е поврзано со нејзините денешни ставови.  Денеска не беше точка на дневен ред надзорот во вишто обвинителство. „Доколку тоа беше тема ќе се изземев“ ни рече Петкова.

Причините поради кои седумтемина останати членови ги прифатија аргументите на држравниот обивнител Коцевски јавноста ке дознае откако ке ги објават записниците. Денеска пред себе ја имле не само одлуката на Коцевски и жалбата на Хајрулаи, туку и предмеот од отворената истрага не само за малтретирање на вработени, туку и за злоупотреби во работењето. Претседателката на советот Димитриеска не сакаше да ја коментира изјавата на Петкова.

Хајрулахи негираше дека малтретирал вработени, а го обвини Коцевски дека му вршел притисок поради предметот со бонусите на СЈО да не и дава статус на оштетена на партијата ВМРО-ДПМНЕ . Државниот обвнител пак рече дека хајката против него почнала откако испратил контрола во обивнителството што го предводи Хајрулахи за да испита кои обвинители се откажувале од жалбите или ги повлекувале обвиненија и на тој начин  некои обвинети се спасувале од кривична одговорност.

Елена Ивановска Мукоска