Осум лица загинаа, а над 50 се повредени во последната низа руски напади со беспилотни летала врз украинската престолнина Киев. Шестгодишно момче и неговата мајка се меѓу загинатите, откако беше погодена станбена зграда во Киев, соопштија украинските власти.

Руските напади врз Украина продолжија и покрај предупредувањето на американскиот претседател Доналд Трамп, дека ќе воведе построги санкции за Москва, доколку рускиот претседател не се согласи на примирје до 8 август.

Трамп претходно изјави дека не верува оти рускиот претседател го лаже, но дефинитивно има спротивставености меѓу реториката која Путин ја користи за време на телефонските разговори и постојаното лансирање ракети врз Киев и Украина.