Пораките за правото на Израел да се брани, ќе бидат протолкувани како дозвола за убивање, рече палестинскиот претставник во Обединетите нации (ОН), Ријад Мансур кој го обвини Израел дека ги користи нападите на Хамас како изговор за нанесување на ужасни страдања на целокупното цивилно население.

„На Израел мора да му се каже дека треба да ја смени насоката и оти постои пат до мирот на кој не гинат ниту Палестинци, ниту Израелци, рече Мансур.

„Не можете да кажете дека ништо не оправдува убивање на Израелци, а потоа да дадете оправдување за убивање на Палестинци. Ние не сме подлуѓе“, рече Мансур и пелира на прекин на насилствата и крвопролевањата, а меѓународната заедница ја повика да го заштити палестинскиот народ.

„Доаѓавме во Советот за безбедност од месец во месец и предупредувавме на последиците од израелската неказнивост и меѓународната неактивност. За жал, историјата за некои медиуми и политичари почнува кога се убиени Израелци“, истакна палестинскиот претставник во Обединетите нации.