Расте загриженоста кај Палестинците во Појасот Газа дека одлуката на Израел да го прекине влезот на секаква храна и други стоки во енклавата ќе ги влоши и онака тешките услови по повеќе од 15 месеци војнa.

Најавата на Израел дојде откако муслиманите го започнаа постот Рамазан, а откако првата фаза од договорот за прекин на огнот заврши без договор меѓу Израел и Хамас за спроведување на клучната втора фаза. Првата фаза на прекинот на огнот забележа пораст на хуманитарната помош по неколкумесечна растечка глад.

Обединетите нации и хуманитарните групи велат дека тоа не е доволно со оглед на обемот на хуманитарните потреби и тие ја критикуваа одлуката на Израел да ја запре помошта и испораката на појасот. Повеќето од над 2 милиони луѓе во Газа зависат од хуманитарна помош.

Хамас го обвини Израел дека се обидува да ја попречи следната фаза од примирјето и одлуката на Израел да ја прекине помошта ја нарече „воено злосторство и бесрамен напад“ на примирјето за кое беа потребни една година преговори.

Посредниците Египет и Катар го обвинија Израел дека го прекршил договорот за прекин на огнот и меѓународното хуманитарно право користејќи го гладувањето како оружје.