Во тек се подготовки за посета на претседателот Махмуд Абас на Москва, изјави палестинскиот амбасадор во Русија, Абдел Хафиз Нофал за ТВ Русија 24.

„Секојдневно сме во контакт со Москва. Сега се подготвуваме за посета на претседателот Махмуд Абас“, изјави палестинскиот дипломат.

Абас последен пат ја посети Москва во ноември во 2021 година. Лани во октомври, рускиот претседател Владимир Путин се сретна со палестинскиот лидер во Астана на маргините на самитот на Конференцијата за интеракција и мерки за градење доверба во Азија.