Патници на авион на „American Airlines“ беа евакуирани преку излезот за итни случаи поради чад и можен проблем со тркалата на авионот.

Федералната администрација за авијација (FAA) информира дека се работи за авион „Boeing 737 MAX 8“ кој при полетување кон Мајами пријавил „можен инцидент со тркалата за слетување“.

На видеа од локални медиуми се гледа како патници, вклучително и деца, се лизгаат по итниот излез, додека некои од нив паѓаат при приземјување на пистата.

Еден патник бил пренесен во медицинска установа, а уште петмина биле прегледани поради повреди, но не било потребно хоспитализирање.

Противпожарни екипи успеале да го изгаснат огнот на авионот, а „FAA“ најави дека ќе ја истражи причината за инцидентот.