Во собраниската Комисија за финансирање и буџет попладнево почна амандманската расправа за ребалансот на Буџетот за 2026 година. Беа разгледани десетина амадмани поднесени од СДСМ, Левица и ДУИ.

Со дел од нив се бараше зголемување на средствата во Министерството за односи меѓу заедниците, а со дел зголемување на средствата за плати за вработените во администрацијата на Министерството за одбрана и за припадниците на Армијата, како и зголемување на блок дотациите за општините наменети за противпожарните бригади.

Амандманите за зголемување на средствата за плати за вработените во Министерството за одбрана и Армијата беа одбиени со образложение дека се предвидени средства за исплата на плати согласно постоечките колективни договори и дека во тек се разговори со репрезентативните синдикати за нови колективни договори.

Левица со амандмани побара зголемување на средствата за изградба на објекти за Армијата и за формирање на центар за планинска безбедност.

За ребалансот на Буџетот поднесени се вкупно 224 амандмани.

Опозицијата обвинува за неодговорно трошење, власта категорична дека „буџетот е развоен“ – жестока расправа за ребалансот во Собрание