Полска од денеска го презема претседателството со Европската Унија, со премиерот Доналд Туск кој ќе раководи со Советот на ЕУ во следните шест месеци.

Безбедноста ќе биде приоритет во периодот на претседавањето, а Полска има намера да ја потврди својата лидерска улога во безбедносната политика на континентот.

Варшава ќе се фокусира на максимално зголемување на поддршката за Украина, одржување на сегашните политики на ЕУ кон Русија и Белорусија и на зајакнување на безбедноста и отпорноста на унијата и нејзините партнери.

Меѓувреме Бугарија и Романија официјално влегуваат во Шенген зоната, по 13 години членство во ЕУ.

Со ова се укинати копнените гранични контроли помеѓу двете земји и останатите членки на ЕУ.

Бугарскиот технички премиер Главчев го нарече ова историски момент, истакнувајќи дека ќе се зајакне заштитата на надворешните граници на ЕУ.