Министерството за правда континуирано го следи случајот и ги превзема сите мерки согласно закон да ги обезбеди  потребните документи, a во текот на утрешниот ден ќе биде доставено барање до надлежните судски органи и обвинителства и ќе се побараат потребните списи  за сите предмети поврзани со лицето Никола Груевски.

Откако од надлежните органи ќе ги добие потребните документи, Министерството за правда ќе постапи согласно позитивните законски прописи, стои во соопштението.

Од Правда потсетуваат дека за  Никола Груевски досега било поднесено едно барање за екстрадиција на 20.11.2018 година, како и дополнување на барањето во јуни 2019 година.

Екстрадицијата била побарана за сите предмети за кои постоеле сознанија дека се водат постапки пред македонските правосудни органи, односно за сите случаи за кои е распишана потерница, велат од Министерството за правда.

Република Унгарија го одби барањето за екстрадиција на 05.08.2019 година, со образложение дека на Никола Груевски му е одобрен азил, согласно нивното законодавство, кое не дозволува предавање на лице кое ужива таков статус на државата од која избегало.

Досие Груевски – три пресуди го чекаат во Скопје, има фирма и азил во Будимпешта, на црна листа е во Вашингтон

Б.С.