Во Јапонија, на планината Асо во југозападниот дел на земјата, се пронајдени остатоци од хеликоптер кој исчезна во вторникот. Хеликоптерот превезувал двајца патници од Тајван и 64-годишен јапонски пилот.

Полицијата на префектурата Кумамото соопшти дека остатоците се пронајдени на падина во вулкански кратер.

Засега не е потврдено дека се работи за исчезнатиот хеликоптер, но според телото и регистарскиот број, е „многу веројатно“. Се продолжува со операцијата за пребарување и спасување за целосна потврда на идентитетот на хеликоптерот и евентуалните преживеани.

T.Д.