Проширен обвинителски тим од 15 обвинители ќе го застапува обвинението за пожарот во „Пулс“, во кој животот го загубија 63 млади луѓе, а над 200 беа повредени, изјави денеска државниот обвинител Коцевски.

Коцевски најави дека во декември ќе има и обвинение за полициските службеници за кои истрага води Обвинителството за организиран криминал.

Судењето против 34 обвинети и три фирми започнува на 19 ноември, во судницата во Идризово. Таму утре ќе има брифинг со новинарите. в.д. претседателката на Судот Димовска и претставници на Јавното обвинителство ќе информираат за техничките предизвици и организациската поставеност на судењето.

Т.Д.