Украинскиот претседател Володимир Зеленски денеска изјави дека речиси третина од борбите на фронтот во војната со Русија, моментно се водат во регионот Покровска, на југоистокот на Украина.

„Триесет отсто од сите борбени операции на фронтот се одвиваат во Покровск. Дополнително, 50 отсто од сите употреби на наведувани бомби се упатуваат кон Покровск. Разберете колку нѝ е тешко“, рече Зеленски на прес-конференција, пренесува Укринформ.

Тој додаде дека штабот на одбранбените сили ја разгледал и ситуацијата во врска со Купјанск.

Зеленски истакна дека на Лиманскиот и Краматорскиот правец нема промени, додека борбите продолжуваат во Костјантиновка и Добропиље.