Како одговор на американско израелските напади, Иран ги таргетираше енергетските капацитети на арапските земји во заливот, сојузници на властите во Вашингтон и Тел Авив.

Францускиот министер за финансии, Роланд Лескјур,  денеска соопшти дека во овие напади, околу 30 до 40 проценти од капацитетите за рафинирање нафта во заливот се  уништени или оштетени, што придонесува за нафтената криза во светот.

Тој го цитираше својот колега од Катар, кој го информирал дека 17% од капацитетите за производство на гас во неговата земја биле уништени во иранските напади, кои и натаму продолжуваат.