Цената на дизелот иста, бензините поевтини за 2, 5 денари. Од владата очекуваат вакви одлуки  да донесат денеска регулаторите, откако ја намалија акцизата, а ОКТА до крајот на месецов го продолжи и попустот од три денари. До крајот на април пак ДДВ то за горивата останува на 10 отсто.

Во однос на прехранбените производи освен укинувањето на ДДВ то кај основните производи, повторно се разгледува и опцијата за ограничување на маржите, затоа што очекувањата се дека инфлацијата за март од сегашните 2, 9 ќе се искачи меѓу 4 и 5 проценти.

Ваквите мерки според анализите ќе го чинат буџетот десетици милиони евра, што може да го продлабочи и дефицитот. Можни се и нови задолжувања. Во игра се сите опции, па дури и кредит влада со влада.