Регулаторната комисија за енергетика до крајот на месецот или почетокот на следниот месец ќе ги соопшти цените за пренос и дистрибуција на електричната енергија. Претседателот на РКЕ, Марко Бислимовски, изјави дека не очекува никакви поместувања во овој дел, иако МЕПСО побара минимално зголемување од 0,67 проценти за преносот… Во текот на овој месец ќе се спроведе тендер за набавка на загубите на електричната енергија, кои имаат значително влијание врз крајната цена. По неговото завршување, ЕВН Хоум ќе ја соопшти новата цена за домаќинствата и малите потрошувачи, согласно новиот Закон за енергетика. Од МЕПСО истакнуваат дека нема да има испади во текот на зимата, бидејќи инвестираат континуирано во нови проекти, меѓу кои 110 kV далекуводот Прилеп – Битола, интерконекцијата со Албанија и реакторот за реактивна енергија во трафостаницата Дуброво.Овие инвестиции се дел од плановите за надградба на преносната мрежа и обезбедување непрекинато снабдување на граѓаните.