Рускиот патнички авион Сухој Суперџет 100 со целосно заменети странски со домашни компоненти, успешно го реализираше својот прв лет.

Леталото беше прикажано во видео објавено од државната корпорација Ростех.

Францускиот мотор е заменет со руски еквивалент, а заменети се и „десетици“ други странски системи и агрегати.

Модифициран е и самиот труп на авионот. Пробниот лет траеше околу еден час во близина на градот Комсомолск-на-Амур, каде што се произведува леталото.

Овој чекор е дел од пошироката стратегија за замена на увозот во руската авиоиндустрија, откако западните санкции поради војната во Украина го ограничија извозот на делови и услуги за руската авијација.