Опозициската СДСМ денеска ќе ја поднесе претставката до Уставниот суд за неодамна усвоената резолуција во Собранието, со која се осудуваат „манипулациите на опозицијата околу прашањето за мигрантите“.

Потпретседателката Јована Тренчевска оцени дека резолуцијата е обид за гушење на слободата на говорот и вовед во режим.

СДСМ ја напушти седницата поради точката за осуда и потенцијално кривично гонеење на опозицијата за зборување за мигрантски кампови.

Таа истакна дека целта е да се таргетира секој што јавно зборува за мигранти и најави обраќање и до меѓународни институции за заштита на демократијата.

Владејачкото мнозинство на ВМРО-ДПМНЕ и ЗНАМ, пак, појасни дека резолуцијата е за спречување на дезинформации и манипулации, со цел да се потврдат политиките против нелегална миграција и да се одржи општествената кохезија.