Владата на Република Северна Македонија и Канцеларијата на ОН за проектни услуги (УНОПС) денеска потпишаа продолжување на договорот за партнерство за ремедијација на малата депонија со линдан на локацијата на поранешната фабрика ОХИС во Скопје.
Со договорот се обезбедуваат дополнителни 12 милиони евра од Владата и период на имплементација од три години, во кој треба целосно да се завршат преостанатите работи на терен. Целта е безбедно отстранување и управување со опасниот отпад, со што значително ќе се намалат ризиците по здравјето на граѓаните и животната средина.
Ремедијацијата започна во 2021 година, а досега се отстранети околу 60 отсто од планираниот отпад. Продолжувањето на партнерството се очекува да овозможи целосно завршување на чистењето на малата депонија и да создаде услови за започнување активности и на поголемата депонија во ОХИС.
Еколошка бомба се создава во поранешен ОХИС – езеро од десетици метри во кругот на фабриката
