Министерството за надворешни работи и надворешна трговија информира дека е започната  постапка за обезбедување на чартер-летови за евакуација на македонските граѓани кои се наоѓаат на Блискиот Исток.

„Започната постапка за јавна набавка за организација на чартер-летови со цел обезбедување безбедна евакуација.Имајќи ја предвид итноста и фактот дека безбедносната состојба тековно се менува, постапката ќе се спроведе согласно Законот за јавни набавки, со примена на скратени рокови предвидени за вакви ситуации“, соопштуваат од министерството. 

За летовите се предвидени 60 милиони денари од Буџетот на министерството.