Израелскиот премиер Бенјамин Нетанјаху изјави дека членовите на кабинетот и високите функционери кои присуствуваат на дискусиите за прашањата за националната безбедност треба да бидат принудени да подлежат на тестови на детектор за лаги. Тој изјави дека со печатот се споделуваат премногу информации од средбите на членовите на Владата.

Неговите коментари дојдоа по медиумските извештаи за состанокот на владата на 4 јануари, свикан за да се разговара за повоениот проблем на Газа, кој заврши со меѓусебно обвинување на членовите на кабинетот и началникот на Генералштабот на израелските одбранбени сили, Херц Халеви.

Ова не е првпат Нетанјаху да бара ваква мерка против членовите на неговата влада, откако на претходната владина седница во средината на ноември, побара и полиграфско тестирање на пратениците…