Словенија утре гласа, овојпат на редовни парламентарни избори, по 2008-ма година, откако три изборни циклуси беа предвремено распишани.

За разлика од претходниот пат, овојпат битката за влез во 90-члениот парламент, ќе ја водат 20 партии, што е за пет помалку од минатите избори. Утрешното гласање се одвива во време на силна политичка поделба во земјата. Последните анкети велат дека словенечката демократска партија на актуелниот премиер Јанез Јанша цврсто работи со Движењето за Слобода, новоформираната либерално-зелена политичка партија, која е предводена од експерт образован во САД, Роберт Голоб, кој вети дека ќе ги обедини центристичките и левичарските групи во идната коалициска влада.

Се чини дека и двете партии имаат поддршка од гласачите која се движи околу 20%, но исто толку гласачи се неопределни.

Со оглед на тоа што ниту една партија веројатно нема да обезбеди доволно гласови за сама да формира влада, аналитичарите предвидуваа дека Голоб ќе има подобри шанси од Јанша да состави постизборна коалиција. Сепак, аналитичарите велат дека е невозможно да се предвиди изборниот резултат.