Јапонија е петтата земја во светот чие вселенско беспилотно летало се спуштило на Месечината, по САД, Кина, поранешниот Советски сојуз и Индија. Јапонската вселенска агенција (ЈАХА) соопшти за мисијата и сè уште е во исчекување на контакт со својата сонда.
Смарт Лендер слетал на површината на Месечината околу 15:20 по средноевропско време. Од ЈАХА на прес-конференција информираа дека леталото испратило сигнал по слетувањето, но утврдиле и оти има проблем со напојувањето, односно соларните панели не генерирале енергија.
