Новиот циклус на проектот „Пошумуваме заедно за позелено утре“ официјално започна денес, со акција во која беа засадени повеќе од 300 нови садници во „Рајски парк“ во Скопје – о. Аеродром. Во позитивна атмосфера полна со ентузијазам, прекрасна дружба и заедничка еко акција, компанијата уште еднаш ја потенцираше важноста на пошумувањето и директно ја покажа својата заложба за зачувување и обновување на зелените површини во земјава, изјави Кристина Дуранска – Менаџер за маркетинг и комуникации во dm дрогерие маркт во Македонија. Во акцијата беа вклучени вработени од компанијата, волонтери од повеќе здруженија, институционални партнери, како и медиуми и инфлуенсери кои ја покажаа својата екосвест и ја дадоа својата поддршка.

За проектот „Пошумуваме заедно за позелено утре“, за оваа година компанијата dm дрогерие маркт одвои повеќе од 1.200.000 денари донација, во форма на набавка на садници и техничка опрема.

Дрогерискиот синџир овој проект го започна во 2022 година, а преку своите досегашни активности засади околу 60.000 нови садници. До крајот на оваа сезона на пошумување компанијата ќе достигне јубилеен број од 100.000 засадени дрвја.