Владата донесе одлука за ребаланс на Буџетот, со цел да се обезбедат пари за зголемување од 10% на платите во образованието.

Формирана е и работна група од надлежните министри со цел да отпочнат процес за преговори за колективен договор со репрезентативниот синдикат и за методологија за континуиран раст на платите во јавниот сектор.

Ги повика СОНК да ги прифатат понудените 10 проценти, но синдикатот се уште размислува за ова.

Денеска на седница синдикатот ќе ги разгледува заклучоците, па ќе се произнесе, но во меѓувреме штрајкот продолжува.

Децата веќе седум дена надвор од училишните клупи. Учениците губат настава, а родителите почнаа да губат нерви.

Додека Владата и СОНК преговараат, семејствата бараат одговори кога ќе продолжи наставата и дали и како ќе ги надоместат пропуштените часови.