Швајцарскиот суд му определи притвор на Жак Морети, сопственикот и менаџер на барот “Le constellation” во Кран Монтана, во кој во новогодишната ноќ, во пожар загинаа 40 луѓе, а 119 се повредени.
Морети е француски државјанин и судот му определи притвор поради можност од бегство. Тој и неговата сопруга се осомничени за убиство од небрежност, нанесување тешки телесни повреди од небрежност и предизвикување пожар од небрежност.
Вчеравечер осомничените за првпат се појавија пред суд на распит и 8 дена по трагедијата и на Морети му беше определен притвор.
Неговата сопруга Жесика Морети се појави пред медиумите утрово и изрази сочувство и извинување до сите погодени од трагедијата.
-Моите мисли се постојано со жртвите и луѓето кои сѐ уште се борат. Ова е незамислива трагедија. И ние никогаш, никогаш не можевме да замислиме вакво нешто. Оваа трагедија се случи во нашиот локал и би сакала да се извинам, рече Жесика Морети низ солзи.
View this post on Instagram
