Цената на нафтата од типот „брент“ бележи значителен раст и се приближува до 107 долари за барел, што е зголемување од над 5 отсто по обраќањето на Доналд Трамп за војната во Иран. Пазарите реагираа на најавите за засилени воени активности во наредните недели.

Претходно, фјучерсите на нафта беа во пад поради очекувањата за можно брзо завршување на конфликтот, но новите изјави ја променија насоката на движење.

Според извештаи, неизвесноста околу развојот на ситуацијата повторно ги зголеми ценовните притисоци. Во своето обраќање, Трамп најави дека САД ќе ги интензивираат нападите и дека се можни удари врз клучна инфраструктура, вклучително и енергетски објекти, доколку не се постигне договор со иранското раководство.