Речиси 500 ученици во округот Палм Бич, Флорида, се во карантин поради Ковид-19, само два дена по почетокот на учебната година.

Информацијата за новозаболени меѓу ученици е во момент кога гувернерот на Флорида, Рон ДеСантис, ја даде својата извршна наредба со која се забранува училишните области во таа американска држава да бараат употреба на маски поради критики и тужби.

Додека државните училишта во округот Палм Бич сега ги направија маските задолжителни за сите ученици и вработени, 6.394 од околу 167.000 ученици во областа се откажаа од носење.

Флорида досега има пријавено над 2,7 милиони случаи на ковид-19 и во моментов има просечна седумдневна стапка на позитивност помеѓу 20 и 25 проценти, според Центрите за контрола и превенција на болести. Американското здужение на педијатри соопшти дека речиси 94.000 деца се заразени досега со Ковид-19.